बौद्ध बिहार संघ , यलया स्वर्ण जयन्ती दँया लसताय नेपालय न्हापांगु खुसी यलया बहाबही व थि थि त्वाया नामसङ्गिती खल: ,पुच:या १००८ म्ह दुज:पिं पाखें २०८२ साल कार्तिक २९ गते सनिबार यल महानगरपालिका वडा नं ६ या ग्वाहालिं रुद्र्वर्ण महाबिहार संरक्षण समितिया ब्यवस्थापनय ओकुबहालय बृहत् नामसङ्गिती वाचनया ज्याझ्व: भब्यनक्सा क्वचाल । थुगु पवित्र ज्या सुथांलाकेत ग्वाहाली याना व ब्वतिकया बिज्यापिं दिइपिं सकसित दुनुगलं साधुबाद देछाना च्वना। यलया १०० स्वया मल्याक्क नामसङ्गिती खल: पुच: पाखें ब्वतिकागु थुगु ज्याझ्वलय नेपाल परम्परागत बौद्धधर्म संघ, यलपाखें नामसङ्गिती वाचनया नेतृत्व याना बिज्यागु ख। सभासद माननीय रामकृष्ण चित्रकार, उपमेयर मन्जली शाक्य बज्राचार्य , वडा ६ अध्यक्ष रुपेन्द्रराज शाक्य , वडा १६ अध्यक्ष निर्मलरत्न शाक्य , वडा ८ अध्यक्ष बाबुरत्न महर्जन, ललितपुर उद्योग वणिज्य संघया संचालक वर्गपिं बिज्याना झाया नामसङ्गिती वाचन श्रवण यानादिल । वत्सकुमार शाक्य जु संचालन याना बिज्यागु ज्याझ्वलय नायो करुणा रत्न बज्राचार्यजुं लसकुस नुग:खं रुपेन्द्रराज शाक्य , माननीय रामकृष्ण चित्रकार व सुभाय न्वचु काजिरत्न शाक्य जुं याना बिज्यागु ख :।